Në muzikalin "Aladin", një djalë i varfër nga rrugët e Arabisë gjen një llampë magjike, e cila fsheh brenda një xhind që ka fuqinë t’i realizojë dëshirat. Ndihmuar nga xhindi, Aladini transformohet në një princ të pasur, duke shpresuar të fitojë zemrën e princeshës së Sulltanit, Jasmine.

Situata ndërlikohet kur veziri i lig i Sulltanit, Jafar, përpiqet të vjedhë llampën magjike dhe të marrë fuqitë e saj për qëllimet e tij të errëta. Aladini përballet me sfida të mëdha ndërkohë që kupton se fuqia nuk është gjithçka dhe se ndihma për të tjerët është më e rëndësishme se plotësimi i dëshirave vetjake.

Një përzierje perfekte e humorit, magjisë dhe mësimeve të thella për jetën, por si do ta sjellë "Klea Huta Academy" këtë histori në skenë? Si do ta interpretojnë personazhet? Cilat surpriza të tjera do të ofrojë kjo performancë?

Pas humbjes së babait të saj, Borëbardha detyrohet të jetojë në një mbretëri të drejtuar nga njerka e saj e ligë, e cila e konsumuar nga xhelozia për bukurinë e rrallë të Borëbardhës, urdhëron vdekjen e saj. Borëbardha arratiset dhe gjen strehë tek 7 xhuxhat, duke i shpëtuar qëllimeve të errëta të njerkës.

Por sapo Mbretëresha zbulon se Borëbardha është ende gjallë, ajo përdor magji për ta vënë në një gjumë të përjetshëm, duke i dhënë një mollë të mallkuar. 
Çfarë ndodh më pas? Princi, i dashuruar me Borëbardhën, i dhuron puthjen e dashurisë së vërtetë, që e sjell atë përsëri në jetë për të jetuar të lumtur përgjithmonë.

Por si do ta sjellë "Klea Huta Academy" këtë përrallë të dashur në skenën e "Black Box" në “Klea Huta Academy”? Si do të interpretojnë aktorët dhe cilat do të jenë surprizat që do të sjellin për publikun?

“KRISHTLINDJE TË PA HARRUARA”

Në qytetin "DUA", fëmijët jetojnë një Krishtlindje të paharrueshme kur Grinçi përpiqet t'ua prishë festën dhe i shpall luftë Babagjyshit. Ndërsa përballen me sfida dhe tronditje, ata zbulojnë një vajzë të varfër që u ndryshon perspektivën mbi dhuratat dhe dashurinë. Me Grinçin që komplikon situatën edhe më shumë, fëmijët përpiqen të ruajnë Krishtlindjet. Por a do të arrijnë të sjellin festën e tyre në jetë?

Në një atmosferë magjike dhe emocionuese, sezoni artistik qershor 2023 u mbyll me 3 shfaqje të paharrueshme, e titulluar "Final Show". Nën regjinë e Elona Hyseni, Ejona Torba dhe Egzona Ademi, ky spektakël unik u paraqit nga "Klea Huta Academy", duke shkëlqyer në skenën e teatrit. 

Me datat e premierës më 24, 25 dhe 28 Qershor, prindërit ishin të ftuar të përjetonin këtë moment të jashtëzakonshëm. Duatrokitja e përzemërta dhe prania e tyre krijuan një atmosferë të ngrohtë dhe inkurajuese për të gjithë artistët e mëdhenj dhe të vegjël, duke i bërë këto momente të pashlyeshme në kujtesën e tyre krijuese.

Prodhim i Klea Huta Academy

Vepra "Komshinjte" zhvillohet në një pallat të vjetër parafabrikat në Tiranë në vitin 2023. Kryefamiljari Dilaveri, një njeri dembel dhe i papunë, jeton me shpresën se një ditë dikush do t'ia blejë tokën ku ngrihet pallati dhe do të bëhet milioner. Gruaja e tij, Tefta, është një grua e përkushtuar që mban familjen përmes punëve të shtëpisë, ndërsa vajza e tyre, Paola, është një nxënëse e zellshme që synon të marrë bursë për në universitet.

Në të njëjtin pallat jetojnë dy shoqe të klasës, Blerta, një vajzë oportuniste, dhe Naomi, e cila bën sikur jeton në vitin 2066 për të rënë në sy. Motra e Teftës, Qefserja, një grua e divorcuar dhe ende në kërkim të vetes, ndan jetën me një njeri të dyshimtë dhe të pasur, Xhimi. Fabrizzio, një italian që ankohet vazhdimisht për kushtet e pallatit, është një tjetër komshi i Dilaverit, i cili është vetëshpallur administrator i pallatit. Ndërkohë, non Behija, një grua e moshuar me dy djem në emigrim, sjell dinamika të reja pasi vjen të jetojë me familjen e Dilaverit me premtimin se do të paguhet nga djali i saj në Angli.

Tensionet familjare mes Dilaverit dhe Teftës rriten dhe përfshijnë edhe vajzën, shoqet e saj dhe të gjithë pallatin. Në kulmin e konflikteve, non Behija sjell urtësinë e saj dhe ndihmon për të rivendosur harmoninë dhe dashurinë jo vetëm në familjen e Dilaverit, por në gjithë pallatin.

Prodhim i Klea Huta Academy 

 

Fëmijët, me një pasion të pashuar për artin, krijuan një shfaqje të paharrueshme ku tema kryesore ishte shkrimi i kartolinave për Babagjyshin. Në këtë performancë të shkëlqyer, secili fëmijë shprehu dëshirat dhe ëndrrat e tyre për një të ardhme më të bukur për të gjithë fëmijët. Përmes një ndërthurjeje të disiplinave artistike si piktura, muzika dhe aktrimi, ata dhuruan një shfaqje fantastike, duke sjellë mesazhin e gëzimit dhe frymën e festave në zemrat e publikut.

Prodhim i Klea Huta Academy

Shkolla përfundon dhe një grup miqsh, Troy, Gabriela, Chad, Taylor, Jason, dhe Marta, të njohur si "Macet e Egra," janë të shqetësuar për verën e tyre të ardhshme. Ata dëshirojnë të kalojnë pushime të këndshme, por gjithashtu kanë nevojë të punojnë për të siguruar të ardhura për shkollën.

Sharpey, vajza më popullore dhe e llastuar e shkollës, i propozon Troy-t të punojë gjatë verës në resortin familjar të saj. Troy pranon dhe siguron që edhe miqtë e tij të kenë mundësinë të punojnë në të njëjtin vend.

Por kjo lëvizje prish planet e Sharpeyt për të tërhequr vëmendjen e Troy-t. Ajo thur një plan për ta larguar atë nga miqtë dhe e dashura e tij, Gabriela, duke i ofruar favore të shumta, përfshirë një punë të paguar mirë dhe mundësi të tjera tërheqëse. Si do të ndikojë kjo në marrëdhëniet mes miqve dhe a do të arrijë Troy të kuptojë çfarë është me të vërtetë e rëndësishme?

Çfarë kthesash dhe sfidash do të përballen "Macet e Egra" në këtë betejë për miqësinë dhe vlerat? Si do ta sjellë "Klea Huta Academy" këtë histori të dashur në skenë?

Prodhim i Klea Huta Academy 

Fëmijët e “Klea Huta Academy”, të shquar për talentin e tyre dhe aftësitë e tyre unike, kanë krijuar një spektakël magjik në tre netë radhazi - "Disney Show". 

Teknikat e avancuara të aktrimit dhe ushtrimet intensive janë bërë një pjesë thelbësore e përgatitjes së kësaj shfaqjeje të jashtëzakonshme. Femijët e teatrit janë trajnuar përgjatë tre muajve me teknika të specializuara, duke përfshirë rolin e çdo karakteri, ekspresionet mimike, dhe lëvizjet e skenës.

"Disney Show" nuk është vetëm një shfaqje, por një ekspozitë e vërtetë e talentit dhe pasionit të këtyre femijeve dhe adoleshentëve. Ata kanë shfaqur karaktere të njohura si Borbardha, Hirushja, Shrek, Ariel dhe shumë të tjera, duke sjellë në jetë magjinë dhe bukurinë e botës së Disney në Teatrin e Klea Huta Academy.

Prodhim i Klea Huta Academy 

"Matilda" është historia e një vajze të vogël të jashtëzakonshme me fuqi të veçanta. E rritur nga dy prindër abuzivë dhe indiferentë, Matilda gjen ngushëllim dhe arratisje përmes librave të bibliotekës, të cilat i përpin me shpejtësi. Por edhe në shkollë, sfidat e saj vazhdojnë, ku duhet të përballet me drejtoreshën mizore dhe tiranike, Miss Trunchbull, e cila udhëheq shkollën Crunchem Hall me moton e saj të pamëshirshme: "Bambinatum est Magitum" ose "Fëmijët janë krimba".

Në këtë botë të ashpër, Matilda gjen një aleate tek mësuesja e saj e ndrojtur dhe e brishtë, Miss Honey. Por Matilda e kupton se për të ndryshuar botën e saj, duhet të ngrihet kundër të rriturve dhe të përdorë fuqitë e saj të jashtëzakonshme. Trimëria e Matildës u mëson mësueses së saj dhe shokëve të klasës se edhe pse jeta mund të jetë e padrejtë dhe sfiduese, "askush përveç meje nuk do ta ndryshojë historinë time" prandaj "ndonjëherë duhet të jesh pak keq".

Por si do ta sjellë "Klea Huta Academy" këtë histori magjepsëse në skenë? Cilat sfida dhe surpriza do të presin spektatorët në këtë interpretim të veçantë?

Autori: Roald Dahl

Prodhim i Klea Huta Academy

“Bullyfree” është një shfaqje e ndërtuar për të adresuar bullizmin, një plagë që ka ekzistuar gjithmonë dhe vazhdon të jetë e pranishme. Në skenë janë vendosur disa nga historitë e adoleshentëve që e kanë përjetuar bullizmin ose e kanë parë tek të tjerët. Shfaqja përmban një larmi karakteresh, skena dinamike dhe mesazhe shumë të fuqishme.

Në fund të shfaqjes, adoleshentët përballen me një audicion ku tregojnë me zë të lartë të vërtetat e tyre dhe shfaqin dramat e tyre personale. Në përfundim, ata zgjedhin të bëjnë paqe me veten dhe me të tjerët, duke arritur të pranojnë veten dhe të stimulojnë vetëbesimin e tyre.

Shfaqje sezoni

Salla “Black Box” e “Klea Huta Academy”

Prodhim i KLEA HUTA ACADEMY

"Bubble's Show" është shfaqja e parë e “Klea Huta Academy,” një produksion që shënoi fillimin e një epoke të re artistike. Më 20 qershor 2019, ky spektakël emocionues solli në skenë fëmijë dhe adoleshentë të talentuar, duke hedhur themele inovative për të ardhmen e artit.

Në këtë debutim, fëmijët u ngjitën në skenë të mbushur me shpirt krijues dhe aftësi aktoriale të përmirësuara, falë teknikave të avancuara të aktrimit dhe ushtrimeve intensive të praktikuara gjatë trajnimit të tyre në akademi. Këto teknika i ndihmuan të shpalosin një gamë të gjerë emocionesh dhe të krijojnë një lidhje të thellë me publikun.

Por si do ta ketë ndikuar "Klea Huta Academy" përvojën e tyre në këtë shfaqje? Cilat sfida dhe surpriza kanë përgatitur për publikun? Dhe si është pritur kjo shfaqje si pikënisje e një udhëtimi të gjatë artistik?

📍Teatri Eksperimental

Prodhim i Klea Huta Academy